Линктер

жума, 20-сентябрь, 2019 Бишкек убактысы 20:38

Казак өкмөтү кымбатчылыкты Орусиядагы инфляция менен байланыштырды


Иллюстрациялык сүрөт.

Казакстанда сарымсак, картөшкө, күрүч жана биринчи сорттогу ундун баасы кымбаттады. Бул тууралуу 20-августта улуттук экономика министри Руслан Даленов айтты. Министрлик кабарлагандай, сарымсак 79 пайыз, картөшкө 32,9 пайыз, күрүч 23,8 пайыз, биринчи сорттогу ун 14,3 пайыз кымбаттаган. Министр азык-түлүктүн базар баасы менен дүкөндөрдөгү баасы кыйла айырма болуп жатканын да кошумчалады. Бийликтин маалыматына караганда, баа Нур-Султанда көбүрөөк кымбаттаганы байкалган.

Соода жана интеграция министри Бакыт Султановдун сөзүнө караганда, системалык өндүрүштүн жоктугунан, далдалчылардын көптүгүнөн, сактоо шарттары сакталбагандыктан улам азык-түлүктүн баасы кымбаттаган. Министр кымбатчылыкка Орусиядагы экономиканын таасири да тийип жатканын кошумчалады.

- Евразия Экономикалык Биримдигиндеги орток баага шайкеш келтирүү да буга таасир этип жатат. Орусияда баа көтөрүлгөндүктөн бизде да кымбатчылык болуп жатат, - деди ал.

Өкмөт инфляцияны 4-6 пайыздын деңгээлинде кармаш үчүн азык-түлүктүн он түрүнүн баасын көзөмөлдөөгө убада берди. Июль айынын жыйынтыгы боюнча Казакстанда инфляция 5,4 пайызды түздү.

Пикирлерди көрүңүз (2)

Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.
XS
SM
MD
LG