Линктер

ЧУКУЛ КАБАР!
27-Ноябрь, 2021 ишемби, Бишкек убактысы 07:52

Момбеков: Бийликке эки Өмүрбектин кереги жок


Рыскелди Момбеков.

Жогорку сот «Ата-Мекен» партиясынын түрмөдө жаза мөөнөтүн өтөп жаткан лидери Өмүрбек Текебаевдин жана экс-элчи, мурдагы министр Дүйшөнкул Чотоновдун ишин кайра кароого жөнөткөнүн сот акыйкаттыгы деп айтууга болбойт. «Азаттыкка» комментарий берип жатып Жогорку Кеңештин депутаты Рыскелди Момбеков ушундай пикирин билдирди. Эл өкүлү муну соңку саясий кырдаалга байланыштуу бийликтин элди алаксытуу кадамы деп эсептей турганын айтты.

- Биринчи май райондук соту деле кийин «негиз жок» деп коюшу мумкүн. Бул убактылуу элди алаксытуу катарында кабыл алынган, саясий чечим болду. Себеби Башкы прокуратура буга каршы болду. «Саясий кырдаал турукташып баратканда кайра козутуп албайлы» деген максатта кабыл алынды деп ойлойм. Азыр бийликке эки Өмүрбектин кереги жок. Биринин саясатка киришип (Өмүрбек Бабанов – ред.), экинчисинин түрмөдөн чыкканы кереги жок. Алар кошумча оор түйшүктү алып келет. Ошондуктан Текебаевдин бөгөт чарасын карап, түрмөдөн чыгарып коёт дегенге ишенгим келбей турат.

Бүгүн Жогорку сот Өмүрбек Текебаев менен Дүйшөнкул Чотоновдун ишин жаңы ачылган жагдайларга байланыштуу карап, буга чейинки чечимдердин баарын жокко чыгарган чечим чыгарды. Иш Биринчи май райондук сотуна кайра кароого жөнөтүлдү.

Текебаев менен Чотонов орусиялык жарандан пара алды деген негизде 2017-жылы ар бири сегиз жылдан түрмөгө кесилген. Экөө тең бул айыптоону ошол кездеги бийликтин саясий куугунтугу деп аташкан. (КЕ)

Пикирлерди көрүңүз (46)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG