Орусия биринчи гуманоид роботун пилотсуз ракетасы менен космоско жөнөттү. Роботту жүктөгөн «Союз» кемеси 22-августта Казакстандын Байкоңур аэродромунан учуп чыкты.
«Фёдор» аттуу бул робот Эл аралык космос станциясында 10 күн болуп, астронавттар менен иштешүүнү үйрөнө турганы кабарланды. «Союз» кемеси космостук станцияга 24-августта жетет.
Гуманоид роботтун бою 1,8 метр, салмагы 160 килограммдай. Ал үчүн «Инстаграм» менен«Твиттерде» атайын аккаунттар да ачылган.
«Роскосмос» бул робот майда тапшырмаларды аткарууда космонавттарга көмөктөшө алаарын билдирди.