Бүгүн, 23-августта Ысык-Көлдө мугалимдердин август конференциясы өтөт.
Ага өлкө аймактарынан келген 300дөй мектеп жана билим берүү мекемелеринин жетекчилери катышат. Алар окуу программасына киргизилген жаңылыктарды, акыркы өзгөрүүлөрдү талкуулайт.
Бул тууралуу Билим берүү жана илим министрлигинин басма сөз кызматы кабарлады. Конференцияга премьер-министр Мухаммедкалый Абылгазиев катышат.
Өткөн айда Абылгазиев өкмөттүн алдында мугалимдердин айлыгын көтөрүү боюнча милдеттер турганын белгилеген. Бул үчүн механизмдерди иштеп чыгууну тапшырган. (КЕ)
