Линктер

ЧУКУЛ КАБАР!
17-Октябрь, 2021 жекшемби, Бишкек убактысы 12:26

Европа соту Магнитскийдин өлүмү үчүн Орусияны айыпка жыкты


Магнитскийдин элесине коюлган гүлчамбар.

Адам укуктары боюнча Европа соту «Hermitage Capital» фондунун мурдагы юристи Сергей Магнитскийди мыйзамсыз камаганына жана анын өлүмүнө байланыштуу Орусияга 34 миң евро өлчөмүндө айыппул салды. Сот Орусия Магнитскийдин ишин калыс, ачык кароо укугун бузган жана анын өлүмүнүн натыйжалуу иликтенишин камсыз кылган эмес деп тапты.

Британиялык «Hermitage Capital» фондунун юристи Сергей Магнитский 2008-жылы камакка алынган жана ага «салык төлөөдөн качкан» деген айып коюлган. Ал тергөө абагында отурганда 37 жашында каза тапкан. Магнитскийдин жактоочулары анын ишин саясий буюртма менен байланыштырып келишет. Анткени юрист ага чейин Орусиянын Ички иштер министрлигинде, Федералдык коопсуздук кызматында мамлекеттик ири каражаттардын уурдалышынын бетин ачкан.

Магнитскийдин өлүмү Орусия менен Батыш мамлекеттеринин мамилесинин начарлашына алып келген. Атайын «Магнитский» деген тизмелер түзүлүп, орусиялык аткаминерлерге санкция салынган.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG