Линктер

ЧУКУЛ КАБАР!
29-Ноябрь, 2021 дүйшөмбү, Бишкек убактысы 08:51

Бишкектин экс-мэри Албек Ибраимов Финполго суракка чакырылды


Албек Ибраимов.

Бишкек шаарынын мурдагы мэри Албек Ибраимов 27-августта Экономикалык кылмыштарга каршы күрөш боюнча мамлекеттик кызматка (Финполиция) сурак алыш үчүн жеткирилген. Бул тууралуу «Азаттыкка» адвокат Сергей Слесарев билдирди. Анын айтымында, сурак алуу боюнча аларга алдын-ала маалымат берилген эмес.

- Процедуралар бузулгандыктан Ибраимов тергөөчүнүн суроолоруна жооп берген эмес, башкача айтканда сурак болбой калды. Ал 29-августта кайрадан Финполго суракка чакырылды, - деди адвокат.

Бул маалыматты Финполициянын басма сөз кызматы «Азаттыкка» ырастап, бирок анын кайсы иш боюнча суралганын тактаган жок.

Бүгүн, 28-августта Ленин райондук сотунда экс-мэрлер Албек Ибраимов менен Кубанычбек Кулматовдун ишин кароо уланды. Анда адвокат Сергей Слесарев алдын-ала маалымат берилбей туруп Ибраимовду тергөө абагынан суракка алып чыгууга уруксат берген сотко жана Финполдун аракетине нааразылыгын билдирди. Сотто башка айыпталуучулардын адвокаты келбей калганына байланыштуу соттук териштирүү 30-августка жылдырылды.

Кулматов менен Ибраимов экөө тең коррупция боюнча айыпталып, Улуттук коопсуздук боюнча мамлекеттик комитеттин (УКМК) тергөө абагында отурушат. Алар күнөөсү жок экенин айтышууда. Жалпысынан экс-мэрлердин ишине байланыштуу жараянда 13 адамдын жоопкерчилиги каралып жатат. (КЕ)

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG