«Ынтымак кербени» иш-чарасы уланууда

1-Сентябрь, 2019

«Ынтымак кербени» иш-чарасынын катышуучулары.

1-сентябрда Ысык-Көл облусунун бийлик өкүлдөрү «Ынтымак кербени» аттуу иш-чаранын алкагында келген Оштун делегациясы менен жыйын курушту. Анда өкмөттүн Ош облусундагы ыйгарым укуктуу өкүлүнүн орун басары Байыш Юсупов мындай жолугушуулар элдин биримдигин бекемдей турганын белгиледи.

Оштун делагациясы Ысык-Көлгө 30-августта келген. Анын мүчөлөрү маданий комплекстерге барып, көлдүн жээгинде эс алышты.

Аймактар арасындагы ажырымды токтотуу жана ынтымакты бекемдөө максатын көздөгөн «Ынтымак кербени» аттуу иш-чаранын алкагында Чүйдүн мурдагы коомдук жана мамлекеттик ишмерлерден куралган аксакалдар делегациясы Жалал-Абадда үч күндөн бери жүрөт. Ал эми Жалал-Абаддын аксакалдары Чүй облусуна барышкан. Ал эми Нарын облусунда Баткен аймагынан келген делагация жүрөт. Алар Ат-Башы районундагы Кошой-Коргон жана Таш-Рабат тарыхый комплекстери менен таанышты. (KS/TSh)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

дагы пикирлерди жүктөө