Линктер

дүйшөмбү, 23-сентябрь, 2019 Бишкек убактысы 12:53

Пара үчүн камалган Кылычбек Арпачиев жатак абакка которулду


Кылычбек Арпачиев.

Башкы прокуратуранын Тергөө башкармалыгынын мурдагы башчысы, камактагы Кылычбек Арпачиев жатак абакка которулду. Бул тууралуу «Азаттыкка» Жаза аткаруу боюнча мамлекеттик кызматтын (ЖАМК) басма сөз катчысы Элеонора Сабатарова билдирди.

Анын айтымында, Арпачиевдин иши жаңы кодекстерге ылайык кайра каралгандыктан мөөнөтү кыскарган. Жазасынын үчтөн бирин өтөгөндүктөн сот аны жатак абакка которуу жөнүндө чечим кабыл алган.

Кылычбек Арпачиев 2015-жылы паракорлукка шектүү катары камалган. Ал Жогорку Кеңештин мурдагы депутаты Карганбек Самаковдун ишин жабыш үчүн андан 100 миң доллар пара талап кылган деп айыпталган.

Биринчи май райондук соту Арпачиевди «Кызмат абалынан кыянаттык менен пайдалануу» беренеси боюнча актап, «Опузалап пара талап кылуу» беренеси боюнча 14 жылга эркинен ажыраткан. Сот муну менен катар «анын мүлкү мамлекетке чегерилсин, жазасын күчөтүлгөн тартиптеги колонияда өтөсүн, иш бөлмөсүнөн табылган 30 миң доллар мамлекетке өткөрүлсүн» деп чечкен. Бул чечимди 2016-жылы Бишкек шаардык соту күчүндө калтырган. (ErN)

Пикирлерди көрүңүз (10)

XS
SM
MD
LG