Бишкектеги Курчатов көчөсүндө жайгашкан толук бүтө элек үйдүн 4-кабатынан 16 жаштагы өспүрүм кулап түштү.
Бул маалыматты Бишкек милициясынын басма сөз кызматы “Азаттыкка” ырастады. Өспүрүм баланын бийиктен кулашынын себептери айтылган жок. Факт Кылмыштардын жана жоруктардын бирдиктүү реестрине катталып, тергөө-териштирүү иштери жүрүп жатат.
Дарыгерлердин айтымында, 6-сентябрда кулаган баланын мээси чайкалган. Мээсине кан куюлуп, баш сөөгү сынышы ыктымалдыгын айтышкан. Учурда ал жандандыруу бөлүмүндө дарыланууда. (КЕ)
