Линктер

ЧУКУЛ КАБАР!
1-октябрь, 2020 бейшемби, Бишкек убактысы 18:34

Ысык-Көлдө Жамал Сейдакматованын 80 жылдык мааракеси белгиленди


Жамал Сейдакматова.

Кыргызстандын Эл артисти, «Туңгуч» театрынын негиздөөчүсү Жамал Сейдакматованын 80 жылдык мааракеси Ысык-Көлдө өзү туулуп-өскөн Темир айылында белгиленди. Аталган иш-чарага Жогорку Кеңештин депутаттары, президенттин кеңешчиси Султан Раев, маданият маалымат жана туризм министринин орун басары Кайрат Иманалиев, өкмөттүн Ысык-Көл облусундагы ыйгарым укуктуу өкүлү Акылбек Осмоналиев катышты.

Кыргыз улуттук академиялык драма театрынын маалыматына караганда, Сейдакматованын 80 жылдык мааракесине карата 23-28-сентябрь аралыгында Ош шаарында «Арт-Ордо» эл аралык VII театр фестивалы уюштурулат.

Кыргыз ССРинин эл артисти, Токтогул атындагы мамлекеттик сыйлыктын лауреаты Жамал Сейдакматова «Акбаранын көз жашы», «Караш-Караш окуясы», «Ак илбирстин тукуму» жана башка бир катар тасмаларда, спектаклдерде ролдорду жараткан.

Жакында президент Сооронбай Жээнбековдун жарлыгы менен Сейдакматовага экинчи даражадагы «Манас» ордени менен ыйгарылды. (KE/KS)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG