Линктер

ЧУКУЛ КАБАР!
23-Сентябрь, 2021 бейшемби, Бишкек убактысы 06:02

Роскосмос: «Фёдор» роботу кайра космоско учпайт


«Фёдор» роботу сыноо учурунда.

Өткөн аптада эл аралык космостук станциядан кайтып келген «Фёдор» аттуу робот кайра экинчи жолу космоско учпайт. Анын ордуна ачык космосто жүрө алган башка робот даярдалып жатат. Бул тууралуу Роскосмос мамлекеттик корпорациясы билдирди.

Биринчи гуманоид роботту ташыган «Союз» кемеси 22-августта Казакстандын Байкоңур аэродромунан учуп чыккан. Бирок аталган кеме 24-августта станцияга чиркеше албай калган болчу. Мындан улам кеме үчүн башка модулдук жай даярдалып, ал үч күндөн кийин жалгашкан.

«Фёдор» эл аралык космос станциясында 10 күн болгон жана анда астронавттар менен иштешүүнү үйрөнгөнү маалымдалган.

«Фёдордун» бою 1,8 метр, ал эми салмагы 160 килограммга жетет. Анын «Инстаграм», «Твиттер» өңдүү социалдык тармактарда аккаунттары бар.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG