Линктер

ЧУКУЛ КАБАР!
29-Октябрь, 2021 жума, Бишкек убактысы 00:31

Мас болуп машине айдагандарга 100 миң сом айып пул салуу сунушталды


Бишкек шаары. Иллюстрациялык сүрөт.

Жогорку Кеңештеги «Өнүгүү Прогресс» фракциясынын депутаты Алтынбек Жунус уулу мас абалында автоунаа айдагандарга 50 миңден 100 миң сомго чейин айып пул салууну сунуш кылды. Бул туурасында депутат фракциянын 13-сентябрдагы жыйынында айтты.

- Ичкилик ичип алып машине айдагандарга 17 миң сом айып салынат. Мас болуп машине айдап жүргөндөр «МАИге» кармалса ачуусу келгендер чөнтөгүнөн 17 миң сомду алып чыгып «ме, төлөп ал» дегендерди көрүп атабыз. Ошон үчүн аларга айып пулду 50-100 миң сомго чейин көтөрүш керек, - деди ал.

Алтынбек Жунус уулу ошол эле кезде коопсуздукка анча коркунуч келтирбеген жол эрежесин бузгандарга карата айыпты азайтып, анын көлөмүн 500 сомго чейин түшүрүү керек экенин билдирди.

2019-жылдын 1-январынан тартып Административдик кодекске киргизилген өзгөртүүлөр ылайык, жол эрежесин бузган айдоочуларга салына турган айып пулдун өлчөмү көбөйгөн. Бул эрежелердин негизинде мас абалында машине айдагандарга 17 500 сом айып пул салынат. (BTo\ErN)

Пикирлерди көрүңүз (33)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG