Линктер

ЧУКУЛ КАБАР!
26-Январь, 2025-жыл, жекшемби, Бишкек убактысы 12:06

14-сентябрга карата аба ырайы тууралуу маалымат


Чүй облусунун аймагында парапланда учуп жүргөн адам. Иллюстрациялык сүрөт.
Чүй облусунун аймагында парапланда учуп жүргөн адам. Иллюстрациялык сүрөт.

Кыргызгидромет борбору шашылыш билдирүү таратып, 15-16-сентябрларда көпчүлүк аймактарда мезгил-мезгили менен жаан жаап, тоолуу райондордо кар түшө тургандыгын эскертти. Абанын температурасы төмөндөйт. 17-сентябрдан тартып 0…-2° үшүк жүрүшү ыктымал.

Мындай туруксуз аба ырайы айыл чарба жумуштарын, жол каттамын, энергетикалык жана коммуналдык кызматтардын ишин жана жайыттарда мал багууну кыйынчылыкка учуратат.

14-сентябрда Кыргызстандын аймагында жамгыр жаабайт. Шамалдын багыты өзгөрүлүп турат, ылдамдыгы секундасына 4-9 метрге жетет.

Абанын температурасы:

Чүй өрөөнүндө түнкүсүн 7…12, күндүз 21…26;

Талас дубанында түнкүсүн 3…8, күндүз 20…25;

Баткен, Ош, Жалал-Абад аймактарында түнкүсүн 10…15, күндүз 24…29;

Ысык-Көл кылаасында түнкүсүн 3…8, күндүз 16…21;

Нарын облусунда түнкүсүн 2…7, күндүз 17…22;

Бийик тоолуу райондордо түнкүсүн -3…-8, күндүз 4…9 градус болот.

14-сентябрда Бишкек шаарында жаан-чачын жаабайт. Шамалдын багыты өзгөрүлүп турат, ылдамдыгы секундасына 4-9 метрди түзөт. Абанын түнкү төмөнкү температурасы 8…10°, күндүзгү жогорку температурасы 23…25° болот. (ErN)

XS
SM
MD
LG