Линктер

ЧУКУЛ КАБАР!
28-Октябрь, 2021 бейшемби, Бишкек убактысы 15:03

Ысык-Көлдөгү акцияда 6,5 тонна таштанды чогулду


Ысык-Көлдө #EUBeachCleanUp акциясында жыйналган таштандылар.

Ысык-Көлдө экологияны желим таштандылардан тазалоо максатын көздөгөн #EUBeachCleanUp аттуу акцияда 6.5 тонна таштанды чогултулду.

Акцияны өткөрүү боюнча Европа Биримдиги демилге көтөрүп, ага биримдиктин Кыргызстандагы өкүлчүлүгүнүн, Германиянын, Британиянын Кыргызстандагы элчиликтеринин кызматкерлери жана Бишкек менен Ысык-Көлдөн ыктыярчылар катышты.

Маалыматка караганда, жайында эл көп барган Бостери айылындагы жээк тазаланып, ага 150 киши катышты. Акциянын жыйынтыгында 6,5 тонна таштанды чогултулуп, ал Балыкчы шаарындагы таштандыны кайра иштетүүчү заводго өткөрүлүп берилди. Анын 2/3си айнек жана желимдер.

#EUBeachCleanUp экологиялык акциясы дүйнөдө жыл сайын өтөт. 2018-жылы 70 өлкөдө белгиленип, 3000дей киши катышкан. Быйыл аталган акция 80 мамлекетте өтүп жатат.

Адистер жыл сайын көлдөрдө, океандарда 8 миллион тоннадан ашык желим таштанды табыларын айтышат. Эгер бул тенденция сакталса, 2050-жылга карата океандарда балыкка караганда пластик көп болот. (BTo)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG