Линктер

дүйшөмбү, 14-октябрь, 2019 Бишкек убактысы 14:45

Түркияда кылмышка шектүү кыргызстандык кармалды


Иллюстрациялык сүрөт.

Бул тууралуу «Анадолу» маалымат агенттиги кабарлады. Жаңылыкта 16-сентябрда полиция Стамбул шаарынын Фатих жана Башакшехир аймактарында атайын операция уюштуруп, эки басмакананын кампасында мыйзамсыз алкоголдук ичимдик даярдап жаткан шектүүлөрдү кармаганы жазылган.

Кармалган беш шектүүнүн үчөө түрк жараны, калган экөө өзбекстандык жана кыргызстандык жарандар экени аныкталган. Алар кармалган кампадан полиция тогуз миңге жакын даяр алкоголдук ичимдик, 5 тонна спирт жана миңдеген чет өлкөлүк ичимдиктердин даяр этикеткаларын конфискациялаган.

Түркияда спирттик ичимдик жана тамеки өндүрүмүн мыйзамсыз чыгаруу, сактоо жана сатуу боюнча шектүүлөр түрк Жазык кодексинин 5607-беренесине ылайык 3 жылдан 6 жылга чейин жазага тартылат.

2018-жылдын расмий статистикасы боюнча Стамбул шаарында 522 миңден ашык чет өлкөлүк жаран катталган. Ал эми жалпы Түркияда расмий 25 миңден ашык кыргызстандык катталган. Алар негизинен Стамбул, Анкара, Анталия сыяктуу чоң шаарларда жашап, эмгектенет. (ElB)

Пикирлерди көрүңүз

XS
SM
MD
LG