Линктер

ЧУКУЛ КАБАР!
14-Май, 2021 жума, Бишкек убактысы 00:28

Чек арадагы атышууда жабыркаган 8 кишиге операция жасалды


Баткен.

Баткендеги кыргыз-тажик чек арасындагы атышууда жабыркаган сегиз кишиге операция жасалды. Алардын денесине кирип кеткен нерселер алынганын Саламаттык сактоо министрлигинин басма сөз кызматы кабарлады. Буга чейин беш кишиге пландык операция жасалары айтылган, бирок текшерүүдөн кийин алардын саны көбөйгөн. Министрлик операция ийгиликтүү өткөнүн, жаракат алгандардын абалы туруктуу экенин билдирди.

16-сентябрда Баткен облусундагы мамлекеттик чек ара участогундагы атышуунун кесепетинен кыргызстандык чек арачы Равшан Муминов курман болуп, 13 адам жаракат алган. Ал эми Тажикстан тарап кыргыз-тажик чек арасындагы атышуудан үч чек арачысы каза болгонун кабарлаган.

Жаракат алгандардын ичинен 10 адам атышуу болгондун эртеси Куралдуу күчтөрдүн аскердик-транспорттук учагы менен Бишкек шаарына толугураак дарыланууга жеткирилген. (КЕ)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG