Линктер

ЧУКУЛ КАБАР!
28-Ноябрь, 2021 жекшемби, Бишкек убактысы 09:39

Акыйкатчы Исаковдун саламаттыгы боюнча комиссия түзүүнү сунуш кылды


Сапар Исаков сот залында.

Акыйкатчы Токон Мамытов УКМКнын тергөө абагындагы мурдагы премьер-министр Сапар Исаковдун саламаттыгын текшерүү боюнча комиссия түзүү тууралуу сунуш менен Саламаттык сактоо министрлигине кайрылды. Бул тууралуу Мамытов «Азаттыкка» билдирген. Анын айтымында, Бишкек Жылуулук электр борборун (ЖЭБ) жаңылоодогу коррупция боюнча Свердлов райондук сотуна күбө катары барган учурда ага Исаковдун адвокаттары кайрылышкан. Ал кайрылуунун негизинде акыйкатчы Саламаттык сактоо министрлигине кайрылып, мурдагы премьердин ден соолугун текшерип чыгууга чакырды.

Сапар Исаков 2018-жылдын 5-июнунан бери Улуттук коопсуздук боюнча мамлекеттик комитеттин (УКМК) тергөө абагында кармалууда. Ал Бишкек ЖЭБин жаңылоодогу, Бишкектеги Улуттук тарых музейин оңдоодогу мыйзам бузуу боюнча айыпталууда. Бул иштер боюнча соттор учурда жүрүп жатат.

Буга чейин Исаковго «кыр арка артериясынын синдрому» деген диагноз коюлуп, 16-августтан 28-августка чейин Улуттук госпиталда жатып чыкты. Исаковдун адвокаттары мурдагы премьердин ден соолугу калыбына келбей жатканын айтышууда. (BkA)

Пикирлерди көрүңүз (8)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG