Линктер

ЧУКУЛ КАБАР!
31-октябрь, 2020 ишемби, Бишкек убактысы 01:05

136 МВт электр энергиясын пайдаланган 45 майнинг компания жабылды


Иллюстрациялык сүрөт.

Кыргызстанда136 МВт көлөмүндөгү (1 млн кВт) электр энергияны пайдаланган 45 майнинг компания жабылды. Бул тууралуу парламентте, КСДП фракциясынын жыйынында Улуттук энергохолдинг компаниясынын башчысы Айтмамат Назаров билдирди. Депутат Төрөбай Зулпукаров өлкөдө майнинг компаниялар менен биткоинге уруксат берилген-берилбегенине кызыкты. Ал “Мындай компаниялар өтө көп экен, тийиштүү чара көрбөйсүӊөрбү”, - деп суроо салды.

Назаров мыйзамда “майнинг” деген түшүнүктүн жок экенин билдирди.

“Биз электр энергиясын атайын майнинг компаниялары үчүн бербейбиз. Кыргызстанда электр энергиясы арзан, ошондон улам майнинг компаниялары келип жатат. Жакында 136 МВт электр энергиясын пайдаланган ушундай 45 компания жабылды. Алар үч облустун керектөөсүнөн ашык энергия коротот экен”.

Быйыл жайында бир канча кичи райондорго жете турган электр энергиясын пайдаланган, өлкө бюджетине 183 млн сомдон ашуун зыян келтирген майнинг-ферма аныкталган. Финполиция бул компаниянын электр энергиясын пайдалануусу нормадан ашканын, болжол менен 6-7 мегаватты түзгөнү белгилеген. (КЕ)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG