Линктер

ЧУКУЛ КАБАР!
21-Октябрь, 2021 бейшемби, Бишкек убактысы 02:21

Орусиялык журналист Малаховдун сөзү боюнча орус элчилигинин өкүлү ТИМге чакырылды


Андрей Малахов.

Кыргызстандын Тышкы иштер министрлиги орусиялык журналист Андрей Малаховдун айткандары боюнча Орусиянын Кыргызстандагы элчилигинин кеңешчисин чакырды. Бул тууралуу министрликтен алынган маалыматка ылайык, жолугушуунун жүрүшүндө мекеменин өкүлү орусиялык дипломатка Малаховдун «Россия-1» каналындагы айткандары боюнча жагдайга токтолгон.

ТИМдин өкүлү Орусиянын мамлекеттик телеканалындагы журналисттин мындай сөздөрүнө кыргыз-орус мамилелерин эске алуу менен тынчсыздануусун билдирген.

Андрей Малахов алып барган «Россия 1» телеканалынын 24-сентябрдагы «Прямой эфир» телеберүүсүндө, Москвада такси айдап иштеп жүрүп жол кырсыгына кириптер болгон жигиттин аракеттерине баа берип, аны кылмыш кылды деп айыптаган пикирлер айтылган. Эскерте кетсек, ал жигит орусиялык олигархтардын биринин баласы мотоцикл менен катуу ылдамдыкта келе жатканда автоунаасы менен алдынан чыга калып, жол кырсыгына себепкер болгон. Кагылышуудан улам орус жараны катуу жаракат алып, мерт болгон.

Буга байланыштуу кыргызстандык Интернет колдонуучулар нааразы болуп, «Малахов кечирим сурасын» деген акцияны башташкан. (BkA)

Пикирлерди көрүңүз (7)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG