Линктер

ЧУКУЛ КАБАР!
26-Февраль, 2021 жума, Бишкек убактысы 11:22

Кумтөрдө геологиялык чалгындоого келерки жылы 20 млн. доллар бөлүнөт


Премьер-министр Мухаммедкалый Абылгазиев Кумтөр кенинде.

Кумтөр алтын кенинде геологиялык чалгындоо иштерин жүргүзүүгө келерки жылга 20 миллион доллар жумшоо пландалууда.

Бул тууралуу 1-октябрда премьер-министр Мухаммедкалый Абылгазиевге кенди иштеткен канадалык «Центерра Голд Инк» компаниясынын президенти Скотт Перри билдирди.

Жолугушууда айтылгандай, былтыр компания геологиялык чалгындоо боюнча эки жылдык иш башталганын жарыялаган. 2018-жылы 6,5 млн. доллар бөлүнгөн, быйылкы жылы жалпысынан дагы 24 млн. жумшоо каралууда. 2020-жылы 20 млн. доллар жумшалат.

Өкмөт башчы Абылгазиев Кумтөр кенине жумуш сапары менен барган.

Ысык-Көлдөгү ири ишкананын ишмердүүлүгү менен таанышып жаткан премьер-министр «Кумтөрдүн» алтын куюучу фабрикасы, Петров көлүнүн жана дамбанын абалы, карьердин иши менен таанышты. Ошондой эле ал Кумтөрдө иштеген жумушчулар менен жолугушту.

Быйыл август айында кыргыз өкмөтү менен «Центерра Голд Инк» ишканасынын ортосундагы эки жыл мурда макулдашылган стратегиялык келишим күчүнө кирген. Канадалык компания эки тараптын ортосундагы соттук териштирүүлөр токтотулганын жарыялаган. (KS)

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG