Калмак-Ашууда кар күрткүсүнө калып калган 20 жаштагы чет элдик турист Марош Секелский куткарылды. Бул тууралуу Өзгөчө кырдаалдар министрлигинин басма сөз кызматы кабарлады.
Маалыматка караганда, Словакиянын жараны Соң-Көлгө мотоцикл менен бара жатып Нарын облусунун Кочкор районуна караштуу Төлөк айылына жакын ашуудан өтө албай калган.
Куткаруучулар жерине барып туристти аман-эсен Кочкор айылына алып келишкен. (КЕ)