Кыргызстандагы билим берүү тармагында иштеген 400 кызматкердин көзүнө бекер операция жасалат. Билим берүү жана илим министри Каныбек Исаков менен «Дордой офтальмик-сервис» көз микрохирургиясы медициналык борборунун башкы директору Азисбек Эшмамбетов ушундай келишимге кол коюшту. Бул тууралуу министрликтин басма сөз кызматы 3-октябрда кабарлады.
Маалыматка караганда, мугалимдердин катаракта жана башка көз патологиясын текшериш үчүн офтальмологдордун тобу түзүлүп, операцияга муктаждар аныкталат. (SE)