Кожент шаарында кыргыз-тажик биргелешкен туристтик бизнес-форуму өттү

9-Октябрь, 2019

Кыргызстан менен Тажикстандын туристтик бизнес-форуму.

5-октябрь күнү Тажикстандын Кожент шаарында биринчи жолу Кыргызстандын жана Тажикстандын туристтик бизнес-форуму болуп өттү. Бул тууралуу Кыргызстандын Тышкы иштер министрлигинин басма сөз кызматы кабарлады.

Иш-чарага эки өлкөнүн туризм жаатында иш алып барган ассоциациялары менен компаниялары катышты.

Бизнес-форумдун жүрүшүндө Кыргызстан менен Тажикстандын туристтик жана инвестициялык мүмкүнчүлүктөрү тууралуу бет ачарлар өтүп, В2В форматында сүйлөшүүлөр жүргүзүлдү. Компаниялардын ортосунда макулдашуу жана меморандумдар боюнча 15 документке кол коюлган.

Жыйынтыгында 2020-жылы Кыргызстанда эки өлкөнүн кезектеги туристтик бизнес-форумун өткөрүү, туризм тармагында кызматташуу тууралуу Кыргызстан менен Тажикстандын ортосунда келишим долбоорун иштеп чыгуу макулдашылды. (BTo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

дагы пикирлерди жүктөө