Линктер

шаршемби, 13-ноябрь, 2019 Бишкек убактысы 05:42

Президент Жээнбеков Бакуга барат


Сооронбай Жээнбеков.

Президент Сооронбай Жээнбеков Азербайжандын борбору Баку шаарында өтө турган жумуш сапарынын алкагында бүгүн, 14-октябрда азери президенти Илхам Алиев, Казакстандын тунгуч президенти Нурсултан Назарбаев жана Түркиянын жетекчиси Режеп Тайып Эрдоган менен өзүнчө жолугушууларды өткөрөт. Президент Жээнбеков баштаган расмий делегация Бакуга бүгүн жөнөп кетет.

Делегациянын курамында тышкы иштер министри Чыңгыз Айдарбеков, финансы министри Бактыгүл Жээнбаева, экономика министри Санжар Муканбетов, маданият, маалымат жана туризм министри Азамат Жаманкулов бар. 15-октябрда Жээнбеков Бакуда Түрк тилдүү мамлекеттердин кызматташтык кеңешинин кезектеги саммитине катышат. Түрк кеңешин түзүү тууралуу келишим Нахчыван шаарында 10 жыл мурда түзүлгөн. Бул жолку саммитте Өзбекстан уюмдун мүчөсү болуп кабыл алынат.

Талкуулай турган маселелердин негизгиси - мамлекеттер ортосунда чакан жана орто ишкерликти өнүктүрүү жаатында кызматташуу багыттарын талкуулоо. Уюмдун буга чейинки жыйыны 2018-жылы Кыргызстанда өткөн. Ушул тапта ага Азербайжан, Казакстан, Кыргызстан жана Түркия мүчө. Венгрия уюмда байкоочу макамына ээ. (RK)

Пикирлерди көрүңүз (16)

XS
SM
MD
LG