Линктер

ЧУКУЛ КАБАР!
10-Май, 2021 дүйшөмбү, Бишкек убактысы 01:32

Тазабек Икрамов: Жогорку Кеңешке патриот адамдар келет (видео)


Тазабек Икрамов.

Жогорку Кеңештин депутаты Тазабек Икрамов парламентте депутаттар пайда көрчү бюджет жок экенин айтып, мыйзам чыгаруу бийлигине чыныгы мекенчил адамдар келерин билдирди.

Ал бул тууралуу социалдык тармактарда «депутаттар мандатты сатып алышат» деген пикирлер көбөйгөнү боюнча «Азаттыкка» жооп берип жатып айтты.

- Өзүңүздөр билесиздер Жогорку Кеңеште эч кандай бюджет жок. Көптөгөн кыскартууларга бардык. Жогорку Кеңешке чындыгында патриот адамдар келет. Мүмкүн көбү «акча табат» деп башкача ойлошот. Бул жерде өзүнүн мекени үчүн күйгөндөр отурат. Парламентте ыйык трибуна бар. Мына ошол жерде элдин сөзүн өкмөткө жеткирип, болбосо өкмөттө коррупция болуп атса биз гана көтөрүп, «бул жерде коррупция болуп атат, өкмөт туура эмес иштеп атасыңар» деп элдин атынан гана сүйлөй турчу трибуна бар, - деди Икрамов.

Ал эми Жогорку Кеңештин дагы бир депутаты Дастан Бекешев Жогорку Кеңешке шайланып келиш үчүн бир топ каражат сарпталарын ырастады.

- Мурда 100-200-300 миң доллар беришсе, добуштардын кымбатташы менен (ред: кийинки парламенттик шайлоодо) сумма 500 миңден 1 млн. долларга чейин чыгышы мүмкүн. Сөз коомчулукка таптакыр аты белгисиз адамдар жөнүндө болуп жатат. Бирок мен так билем, Кыргызстанда депутат болуш үчүн миллион доллар берүүгө даяр кишилер бар.

Борбордук шайлоо комиссиясынын төрайымы Нуржан Шайлдабекова бүгүн, 16-октябрда президент Сооронбай Жээнбековдун кабыл алуусунда болуп, Жогорку Кеңешке шайлоо 2020-жылдын октябрында болорун кабарлады.

Жогорку Кеңештин VI чакырылышы 2015-жылы ишин баштаган. Парламентте жалпы 120 депутат, алты фракция, тогуз комитет бар. (BTo)

Пикирлерди көрүңүз (31)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG