Линктер

ЧУКУЛ КАБАР!
26-Октябрь, 2021 шейшемби, Бишкек убактысы 11:50

Абылгазиев аппарат жетекчисинин орун басарын кызматтан четтетти


Бакыт Калмуратов.

Премьер-министр Мухаммедкалый Абылгазиев өкмөттүн аппарат жетекчисинин орун басары Бакыт Калмуратовду кызматтан четтетти.

Өкмөттүн басма сөз кызматы «Мухаммедкалый Абылгазиев териштирүү учурунда Бакыт Калмуратовдун дарегине айтылган айыптоолорго байланыштуу укук коргоо органдары адилет жана калыс тергөө жүргүзүшү керек деп эсептейт» деп билдирди.

kaktus.media сайты аткезчилик жол менен алынып келген өрдөк этине байланыштуу чырда Бакыт Калмуратов менен Экономикалык кылмыштарга каршы күрөш боюнча мамлекеттик кызматтын (Финансы полициясы) төрагасынын орун басары Эмил Жамгырчиевдин аты аталып жатканын жазды.

Ага ылайык аталган эки аткаминер ишкерге жардам берүү тууралуу убада менен 50 миң доллар алышы мүмкүн экени кабарланды. Бул боюнча азырынча Финансы полициясы комментарий бере элек.

Бакыт Калмуратов 2008-2017-жылга чейин Социалдык фонддо ар кандай кызматтарда иштеген. 2017-жылы январь-ноябрь айларында өкмөттүн аппараттында иштеп, биринчи вице-премьер-министрдин кеңешчиси болгон. 2019-жылдын майынан тартып өкмөттүн аппарат жетекчисинин орун басары болуп келаткан. (BTo)

Пикирлерди көрүңүз (11)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG