Линктер

ЧУКУЛ КАБАР!
24-Октябрь, 2021 жекшемби, Бишкек убактысы 07:14

КСДПнын мүчөсү Алга Кылычевдин абактагы мөөнөтү узартылды


Алга Кылычев

Мурдагы президент Алмазбек Атамбаевдин тарапкери Алга Кылычевдин абактагы мөөнөтү 9-декабрга чейин узартылды. Мындай чечимди Бишкектин Биринчи май райондук соту кабыл алганын аталган соттон кабарлашты.

Алга Кылычев 7-8-августта мурдагы президент Алмазбек Атамбаевди кармоо маалында башаламандык уюштурган деп айыпталып, камакка алынган. Ал алгач Бишкектеги №1 тергөө абагында кармалып, жакында Бишкек милициясынын убактылуу тергөө жайына которулганы кабарланган.

Жакында Атамбаевдин адвокаты Замир Жоошев Кылычевди мурдагы президентке жана КСДПнын мүчөлөрүнө каршы көрсөтмө бергенин айтып чыккан болчу.

Маалыматка ылайык, Алга Кылычев КСДПнын мүчөлөрү Кундуз Жолдубаевага, Амантур Жамгырчиевге, Мээрбек Мискенбаевге жана Атамбаевдин жан сакчысы Канат Сагымбаевге каршы көрсөтмө берген. Ошондой эле ал Атамбаев бийликти басып алып, төңкөрүш кылууну каалаганын айткан. Бул боюнча Кылычевдин жакындары комментарий бере элек. (BkA)

Пикирлерди көрүңүз (10)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG