Линктер

ЧУКУЛ КАБАР!
14-Май, 2021 жума, Бишкек убактысы 03:07

Жерүйдө кыртышты ачуу иштери башталганы кабарланды


Жерүй.

Жерүй алтын кенинде кыртышты ачуу иштери башталды. «Альянс Алтын» ишканасынын техникалык-өндүрүү башкармалыгынын бул маалыматын «Экономист» финансылык басылмасы таратты. Жерүйдө техникалык суу топтолуучу башкы жай ишке киргени «Альянс Алтындын» сайтына жарыяланды.

Компания 2019-жылдын аягына чейин кыртышты ачуу иштерин көбөйтүп, алтын иргөөнү пландап жатат.

Таластагы Жерүй алтын кени 1969-жылы чалгындалган. Бул кен алтындын өлчөмү боюнча Кыргызстанда Кумтөрдөн кийинки орунда турат. Геологиялык алдын ала иликтөөлөргө ылайык, кенде 84 тонна алтын, 10 тоннадан ашуун күмүш бар.

1992-жылдан бери Жерүйдү иштетүүнү каалаган ондон ашык инвестор алмашкан.

Чет элдик компаниялардын кыргыз өкмөтү менен түзгөн келишимдери ар кандай себептер менен ишке ашпай келет. Биринде инвестор банкрот болуп сызга отурса, дагы биринде Кыргызстан миллиондогон доллар доого жыгылган.

2015-жылы кен иштетүү укугу аукциондун негизинде 100 миллион долларга сатылган. Мындай укук орусиялык «Орус платинасы» компаниясына таандык «Восток геолдобыча» ишканасына тийген. Анын алдында «Алтын альянс» ишканасы түзүлгөн. (SE)

«Азаттыктын» архиви: Колдон колго өткөн Жерүй

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG