Линктер

ЧУКУЛ КАБАР!
жума, 22-ноябрь, 2019 Бишкек убактысы 00:52

Кара-Көлдө өгөй кызын зордуктады деген кишинин иши тергелүүдө


Иллюстрациялык сүрөт.

Жалал-Абад облусунун Кара-Көл шаарында 17 жаштагы кызды зордуктоого шектүү катары 49 жаштагы өгөй атасы кармалып, эки айга камакка алынды.

Облустук милициянын басма сөз кызматы "Азаттыкка" билдиргендей, 17-октябрда арыз менен кыздын апасы ички иштер органына кайрылган.

Зордуктоо фактысы менен иш бирдиктүү реестрге катталып, соттук- медициналык экспертиза дайындалып, тергөө жүргүзүлүүдө.

Бул маселе Кара-Көл шаардык кеңешинин сессиясында да талкууланып, окуяга кабылган үй-бүлө социалдык жактан колдоого муктаж экени айтылды жана ага көмөк көрсөтүү тийиштүү мекемелерге тапшырылды.

Жабыркаган кыз учурда психологдордун кароосунда турат. (RsK)

Пикирлерди көрүңүз

XS
SM
MD
LG