Коомчулуктун пикирин изилдеген жалпы орусиялык борбор Орусия менен башка мамлекеттердин мамилесине байкоо жүргүздү.
Жарандардын 45% Орусия менен достугу, тилектештиги эң мыкты деп Кытайды эсептешет. Андан соң Беларус (30) жана Казакстан (21). Алдыңкы ондукта Сирия (13%), Түркия (13%), Франция (10%), Индия (10%), Германия (9%), Венесуэла (5%) жана Финляндия (5%) бар.
Орусиялыктардын 4% гана Кыргызстан менен мамилени мыкты деп ойлошот.
Сурамжылоого катышкандардын 67% АКШ менен мамиле чыңалган деп эсептешет. Бул көрсөткүч бир жыл мурункуга караганда 8 пайызга төмөн. Ымала начар деп саналган мамлекеттердин экинчи сабында Украина (53%), үчүнчү катарында Улуу Британия (25%) турат.