Касымалы Баялинов атындагы балдар улуттук китепканасында жазуучу Талантбек Шабиевдин «Китепландия» аттуу жомок китебинин бет ачары өттү. Ага Улуттук компьютердик гимназиянын окуучулары, китепкананын жетекчилиги жана педагогдор катышты. Иш-чарада китептеги окуялар боюнча балдардын сүрөт көргөзмөсү коюлуп, аларга чакан белектер тапшырылды.
«Китепландия» - белгисиз өлкөдөгү каармандар башынан өткөргөн сыйкырлуу окуялар жөнүндө жомок. Жыйнактын мазмуну кичинекей окурмандарды билим алууга, жамандыкты жакшылык менен жеңүүгө, сабырдуулукка, кайраттуулукка үндөйт. Бул Талантбек Шабиевдин адабияттагы жарык көргөн алгачкы эмгеги.
ЮСАИД эл аралык уюму республикада балдар китептери боюнча изилдөө жүргүзүп, жеткинчектер үчүн чыгарылган кыргыз тилдүү көркөм адабияттар тартыш деген тыянакка келген.
