Линктер

ЧУКУЛ КАБАР!
27-Ноябрь, 2021 ишемби, Бишкек убактысы 14:59

Абылгазиев кыргыз-өзбек чек арасын тактоону тездетүүнү сунуш кылды


Кыргызстандын премьер-министри Мухаммедкалый Абылгазиев кыргыз-өзбек чек арасын тактоо ишин ыкчамдатууну сунуш кылды. Бул тууралуу 1-ноябрда Ташкентте Өзбекстандын президенти Шавкат Мирзиёев менен жолуккан учурда айтты.

Өкмөттүн басма сөз кызматы билдиргендей, Абылгазиев Ташкентке Шанхай Кызматташтык Уюмунун (ШКУ) курамындагы мамлекеттердин өкмөт башчылар кеңешинин кезектеги жыйынына катышуу үчүн барды. Жыйындын алкагында өзбек мамлекет башчысы менен жолукту.

Эки өлкө тең СССРдин курамынан 1991-жылы бөлүнүп, эгемендик алган. Чек арасынын узундугу 1378 чакырым. Бир топ жыл токтоп турган делимитация жана демаркация иштери Өзбекстандын туңгуч президенти Ислам Каримов дүйнөдөн кайткандан соң, 2017-жылы жанданган. 2018-жылдын соңунда анын 85 пайызы аныкталганы расмий айтылган.

Мирзиёев менен жолугушкан учурда Абылгазиев эки өлкөнүн ортосундагы алака-катыш жакшы нукта баратканын белгилеп, Ош-Анжиян, Ош-Фергана, Кызыл-Кыя-Фергана автобус каттамдары жүрүп жатканын ийгиликтин бир көрүнүшү катары баалады. (SE)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG