Жогорку Кеңештин регламентине ылайык, депутаттар 4-5-6-ноябрда өлкө аймагындагы шайлоочулары менен жолугат. Буга байланыштуу 11-ноябрга чейин жыйындар өткөрүлбөйт. Бул тууралуу токтом кабыл алынганын парламенттин басма сөз кызматы маалымдады.
Алтынчы чакырылыштагы азыркы парламент 28-июнда IV сессиясын аяктап, жайкы эс алууга тарап кеткен. Жогорку Кеңеш кезектеги бешинчи сессиясын кайра 4-сентябрда баштаган. Азыркы парламент 2015-жылы күзүндө шайланган. Анда алты фракция бар.
Жогорку Кеңештин регламентине ылайык, парламенттин сессиясы сентябрь айынын биринчи жумушчу күнүнөн башталып, кийинки жылдын июнь айынын акыркы жумушчу күнүнө чейин уланат. (TSh)