Линктер

ЧУКУЛ КАБАР!
1-Декабрь, 2021 шаршемби, Бишкек убактысы 22:34

Чүйдө мектеп авариялык абалга келгендиктен окуучулар медпунктта окуп жатышат


Билим берүү жана илим министрлиги жарыялаган сүрөт.

Чүй районундагы Калыгул айылында авариялык абалга кептелген Оңолбаев атындагы мектептин окуучулары фельдшердик-акушердик пунктта окуп жатышат. Билим берүү жана илим министри Каныбек Исаков 4-ноябрда райондогу мектептердин абалын көрүп, аталган айылга да барганын министрликтин басма сөз кызматы кабарлады.

Эскирген мектептин имараты 1929-жылы курулган, 150 окуучу билим алат. Министр эл аралык фонддордун жардамы менен жаңы имарат курууга аракет жасаларын билдирди.

Кыргызстанда жыл сайын сентябрда бир катар жаңы мектептер ачылат. Ушул тапта мамлекеттик жана муниципалдык 2139, жеке менчик 126 мектеп бар. Окуучулардын саны 1 миллион 268 миң деп эсептелген.

2018-жылкы расмий маалыматка ылайык, 202 мектептин имараты жараксыз деп табылган. Тартыштыкты чечүү үчүн өлкө аймагына 600гө жакын мектеп салынышы керек. Айрым кыштактарда турак жайлар, чатырлар мектеп катары колдонулуп келет. (SE)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG