Ош шаардык мэриясынын Социалдык өнүгүү бөлүмүнүн адиси Алишер Ажибаев дин кызматкерлерин эл менен тыгыз иштешүүнү улантууга чакырды. Калаанын Туран конушунда балдардын окуусун, жүрүм-турумун көзөмөлдөөгө арналган жыйында ал имамдарга ушундай кайрылуу жасаганын Муфтияттын басма сөз кызматы 7-ноябрда кабарлады. Ажибаев элге үгүт-насаат айтып, таалим-тарбияны жакшыртууда дин кызматкерлери чоң салым кошорун белгилеген.
Ош шаардык мэриясы ушундай өңүттө жыйындар болуп жатканын бышыктады. Андай иш-чараларга мектеп директорлору, кварталдык комитет башчылары, жергиликтүү бийликтин кызматкерлери жана мечит имамдары чакырылат.
Ош мэриясы тарбиялык иштерде имамдарды тыгыз кызматташууга чакырды
