Линктер

ЧУКУЛ КАБАР!
шаршемби, 11-декабрь, 2019 Бишкек убактысы 23:54

Сүймөнкул Чокморовдун 80 жылдыгы белгиленип жатат


Сүймөнкул Чокморов киного тартылып жаткан учуру.

Т. Сатылганов атындагы Улуттук филармонияда Кыргыз Республикасынын эл сүрөтчүсү, атактуу актёр Чокморовдун 80 жылдык мааракесине арналган салтанаттуу иш-чара өтүп жатат. Ага катышкан президент Сооронбай Жээнбеков кыргыз киносунун кереметин, кыргыз сүрөт өнөрүнүн ийгиликтерин Сүймөнкул Чокморовдун тагдырынан бөлүп кароого болбой турганын белгиледи.

- Турмушта жашоосу кыска болсо да, элдин эсиндеги өмүрү узун, мекен үчүн өтө чоң, бир адамдын өмүрүнө сыйбай турган эмгек өтөгөн инсандар унутулбайт. Бүгүн биз 80 жылдык мааракесин белгилеп жаткан улуу сүрөткер, орошон таланттын ээси, калкыбыздын сыймыгы Сүймөнкул Чокморов ошондой адам эле... Ал чыныгы адамдык асыл сапаттарга, терең акылга, күчтүү эркке, жигиттик кайратка ширелген, өзгөчө инсандын үлгүсүн көрсөттү, - деди мамлекет башчы.

Кыргыз киносунун тарыхында «​Эң мыкты эркек актёр» наамын төрт жолу алган Сүймөнкул Чокморов 1939-жылы Чүй өрөөнүндөгү Чоң-Таш айылында туулган.

Ал 1992-жылы 53 жашында каза тапкан. Советтик кино өнөрүн көптөгөн чет мамлекеттерде тааныткан. Сүрөтчүлүк өнөрүн таштабай 400дөй пейзаж, натюрморт, портрет тарткан. Чокморовдун кээ бир эмгектери Бишкектеги Улуттук көркөм өнөр музейинде сакталып турат. (КЕ)

Пикирлерди көрүңүз (2)

XS
SM
MD
LG