Сокулук районундагы үйүнөн 20-августта чыгып кеткен боюнча дайынсыз болуп жаткан 16 жаштагы Эржигит Алтынбек уулу табылды.
Чүй облустук ички иштер башкармалыгынын маалыматына караганда, ал ушуга чейин Кемин районундагы Чоң-Кемин айылында досунун үйүндө жашап жүргөн. Өспүрүм ата-энесинин колуна тапшырылды. Милициянын маалыматы боюнча, ал мурда да бир нече жолу үйүнөн кетип жүргөн.(ZKo)