Линктер

ЧУКУЛ КАБАР!
жума, 6-декабрь, 2019 Бишкек убактысы 05:09

Орусия Украинанын аскер кемелерин бошотот


Орусия кармап алган кемелердин бири.

Украинанын «Бердянск» жана «Никополь» аскердик катерлери жана «Яны Капу» буксири Орусиянын деңиз кароолунун коштоосунда Керч кысыгынан, «Генмола» акваториясынан чыгып кетти. Бул тууралуу «Крым.Реалии» сайты кабарлады.

Мунун алдында Орусиядагы жана Украинадагы бир катар басылмалар бул кемелер жакынкы күндөрү Украинага өткөрүлүп берилерин жазышкан. Маалыматты Орусиянын Федералдык коопсуздук кызматынын Чек ара башкармалыгы да ырастаган.

Ушул тушта Орусия бошоткону жаткан кемелерди алып кетиш үчүн Украинанын «Сапфир», «Титан» жана «Гайдамака» деп аталган буксирлери Кара деңизде, аннексияланган Крымдын жээгинде турат.

Мунун алдында Украинанын президенти Владимир Зеленскийдин жардамчысы Андрей Ермак катерлерди кайтаруу жараяны аягына чыгып калганын билдирген.

Орусия Керч кысыгы аркылуу Азов деңизине сүзүп бараткан Украинанын аскердик катерлерин мындан туура бир жыл мурда кармап алган. Кемелерде 24 аскер кызматкери болгон.

Киев Москванын бул аракетин «зомбулук актысы» деп атаган. Орусия болсо кемелер чек араны мыйзамсыз кирип бузганын айткан. Бул талашта Украинаны АКШ, НАТО, БУУ жана Европа Биримдиги колдогон.

Орусия украин деңиз аскерлерин ушул жылдын сентябрь айында Украина менен туткундарды алмашканда бошоткон.

Пикирлерди көрүңүз

XS
SM
MD
LG