Линктер

ЧУКУЛ КАБАР!
жума, 6-декабрь, 2019 Бишкек убактысы 05:03

АКШ-Түштүк Корея аскердик машыгуусу кийинкиге жылды


Дональд Трамп менен Ким Чен Ын.

Эки өлкөнүн аскердик машыгуусу кийинкиге жылганы тууралуу Баңкокто 17-ноябрда Азия өлкөлөрүнүн коргоо министрлеринин жыйынында белгилүү болду.

Анда АКШнын коргоо министри Марк Эспер бул кадамды Түндүк Кореяга карата «жакшы ниетти көрсөткөн кадам» катары сыпаттады.

- Мен Корей жарым аралын өзөктүк куралдан арылтууга алып келе турган саясий макулдашууга жетишүү, тынчтык орнотууга шарт түзүү боюнча АКШ менен Корея Республикасынын ак ниет аракеттерин көрүп турам, - деди Эспер.

Бирок буга Жапониянын коргоо министри каршы болду жана ал Түндүк Корея ушул жылы эле 20дан ашык ракета учурганын, арасында жаңы үлгүдөгү баллистикалык ракеталар да болгонун жүйө келтирди.

Буга чейин Түндүк Корея АКШ менен Түштүк Кореянын биргелешкен машыгууларын сынга алып келген жана Пхеньянды «улуттук коргонууга зарыл болгон куралдарды иштеп чыгууга, сыноого жана колдонууга түртүп жатат» деп айыптаган.

Былтыр июнда Сингапурда АКШнын президенти Дональд Трамп менен Түндүк Кореянын лидери Ким Чен Ын жолуккан. Ошондон тартып Вашингтон Сеул менен биргелешкен машыгууларын азайткан жана алардын масштабын кичирейткен.

АКШ менен Түштүк Корея алгач 1955-жылы Корей согушунан бир нече ай өткөндөн кийин чогуу машыккан. Ушул тушта Түштүк Кореяда 28 миңден ашык америкалык аскерлер бар.

Пикирлерди көрүңүз

XS
SM
MD
LG