Линктер

ЧУКУЛ КАБАР!
6-Декабрь, 2021 дүйшөмбү, Бишкек убактысы 15:42

Өкмөт башчы ишкерликти колдоону күчөтүүнү тапшырды


Премьер-министр Мухамедкалый Абылгазиев.

"Кыргызстандагы ишкерлер коомдун өнүккөн бөлүгү болуп туруп, укуктары тебеленген учурлар көп. Бул инвестициялык климатка жана өлкөнүн экономикасына түздөн-түз таасир этет. Бул тууралуу премьер-министр Мухаммедкалый Абылгазиев 18-ноябрь күнү өткөн жыйында билдирди.

Ал ошондой эле ишкерликти текшерүүгө мораторий жарыялоо менен тармактын өнүгүшүнө мүмкүнчүлүк түзүлгөнүн да баса белгиледи. Бирок айрым укук коргоо органдарынын иши ишкерликти колдоо жана коргоо жагын күчөтүүнү, текшерүүчү органдардын иш принциптерин карап чыгууну талап кылып жатканын кошумчалады.

- Дал ушул укук коргоочу жана текшерүүчү органдардын ишинин натыйжасы - биз социалдык маселелерди чечип келе жаткан бюджетти толтурууга, мамлекеттин кирешесине түздөн-түз байланышы бар. Ошол эле учурда күч органдарынын социалдык маселелери да дал ушул бюджеттен чечилет. Бирок тилекке каршы укук коргойт деген органдар өздөрү мамлекеттин инвесторлорду коргоо саясатына каршы иштеп жатканы тууралуу арыз-дооматтар бар, - деди өкмөт башчы.

Ал күч түзүмдөрү коррупциялашкан кызматкерлеринен арылууга тийиш экендигин айтты. Аягында премьер-министр бул органдардын жетекчилерине ишкерликти коргоонун жаңы, талапка ылайык чараларын иштеп чыгууну тапшырды.

Бул тууралуу өкмөттүн басма сөз кызматы маалымдады. (ZKo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG