Линктер

ЧУКУЛ КАБАР!
28-Ноябрь, 2021 жекшемби, Бишкек убактысы 19:48

"Азаттыктын" кабарчысы ишкер айымдарды колдоо боюнча сынактын жеңүүчүсү болду


Руслан Калматов.

"Курак" аялдар форуму" коомдук бирикмеси журналисттер арасында уюштурган "Ишкер айым" сынагында "Азаттыктын" кабарчысы Руслан Калматов "Эң мыкты видео материал" номинациясына татыды.

Ал сынакка Базар-Коргон районундагы тандыр жасаган жалгыз бой аялдын ишин чагылдырган баяны менен катышкан.

Аялдардын жеке бизнес баштоосу, жүргүзүүгө шыктандыруу, кесибине жана жашаган жерине, курагына карабастан бардык аялдар ишкердик менен алектене аларын көрсөтүп берүү максатында уюштурулган сынакка 60тай журналисттин эмгектери келип түшкөн.

Алардын ичинен орус жана кыргыз тилдериндеги эки видео материал жана маалымат сайтындагы эки макала мыкты деп тандалып алынды.

Сыйлыктар 20-ноябрь - Аялдар ишкердигинин бүткүл дүйнөлүк күнүнө карата Бишкекте өткөн эл аралык конференция учурунда тапшырылды.

Конференцияга премьер-министр Мухаммедкалый Абылгазиев, экс-президент Роза Отунбаева, Өзбекстан, Казакстан, Тажистан мамлекеттеринен келген жана жергиликтүү ишкер айымдар катышты.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG