Линктер

ЧУКУЛ КАБАР!
8-Декабрь, 2021 шаршемби, Бишкек убактысы 16:53

Токаев: Соода тоскоолдуктарын азайтууну макулдаштык


Касым-Жомарт Токаев.

Кыргызстандын президенти Сооронбай Жээнбеков менен Казакстандын президенти Касым-Жомарт Токаев расмий жолугушуудан кийин атайын басма сөз жыйынын өткөрүштү. Анда Токаев сүйлөшүүнүн мазмунуна токтолуп, анда негизинен соода-экономикалык алака жана чек ара тоскоолдуктарын азайтуу жөнүндөгү макулдашуулар болгонун айтты.

Токаев 2015-2018-жылдары эки өлкөнүн ортосундагы соода алакасы 30% өсүп, 900 миллион долларды түзгөнүн айтты:

- Биздин келечектеги максатыбыз соода жүгүртүүнү бир миллиард доллардан ашыруу. Буга байланыштуу биз эки тараптуу соода алаканын номенклатурасын кеңейтүү жана рыноктогу жаңы багыттарды, мүмкүнчүлүктөрдү табуу милдетин койдук. Муну ишке ашырыш үчүн биз ишкерлерге жагымдуу шарт түзүп беришибиз керек. Бул максат үчүн биз соода бөгөттөрүн азайтууну шартташтык, бизнес кооперацияларды кеңейтүүгө токтолдук.

Касым-Жомарт Токаев ушул тапта Казакстанда кыргыз ишкерлеринин катышуусу менен ачылган 1100дөн ашуун ишкана бар экенин, Кыргызстанда болсо казак ишкерлери аралашкан 2000ден ашык ишкана иш жүргүзүп жатканын билдирди. Казак президенти алакаларды жакшыртыш үчүн чек ара бекеттеринен өтүүдө жана товар ташууда жеңилдиктер караларын кошумчалады.

Казакстандын президенти Касым-Жомарт Токаев бүгүн, 27-ноябрда Кыргызстанга мамлекеттик сапары менен келди. Анын кыргыз президенти Сооронбай Жээнбеков менен кеңири чөйрөдөгү жолугушуусу «Ала-Арча» мамлекеттик резиденциясында өттү.

Кыргызстан менен Казакстан Евразия Экономикалык Биримдигинде өнөктөш болгонуна карабай чек араларындагы тоскоолдуктар байма-бай орун алып келет. Чек ара бекеттериндеги ашыкча текшерүүдөн улам тилкеде кезекте турган жүк ташуучу автоунаалардын кезеги узарып, бир нече чакырымга жетип калган учурлары болуп калат. (ErN)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG