Линктер

ЧУКУЛ КАБАР!
5-Декабрь, 2021 жекшемби, Бишкек убактысы 08:39

Атамбаевдин тарапташтарынын абактагы мөөнөтү узартылды


Фарид Ниязов сотто. 10-август, 2019-жыл.

Бишкектин Биринчи май райондук соту президенттик аппараттын мурдагы башчысы Фарид Ниязовдун, Алмазбек Атамбаевдин тарапташтары Кыяз Смайлов менен Амантур Жамгырчиевдин бөгөт чарасын карап, аларды 2020-жылдын 9-февралына чейин камакта калтырды. Бул маалыматты райондук соттун басма сөз кызматы ырастады.

Мурдагы президент Алмазбек Атамбаевдин тарапкерлери Кой-Таш айылында болгон башаландыкка жана анда окко учкан УКМКнын «Альфа» атайын түзүмүнүн кызматкери полковник Үсөнбек Ниязбековдун өлүмүнө байланыштуу 10-августта камакка алынган.

7-8-августта Кой-Таш айылындагы үйүндө мурдагы президент Алмазбек Атамбаевди кармоо операциясы жүргөн. Анда мурдагы президенттин тарапташтары каршылык көрсөтүп, эл менен күч түзүмдөрүнүн кагылышуусунун натыйжасында ар түрдүү жаракат алган 175 адам ооруканага кайрылган.

Атамбаевдин тарапташтары Кой-Таш окуясында мындан башка да жаракат алган бир топ адам күч кызматкерлеринен коркуп, ооруканага кайрылбай үйлөрүндө дарыланышканын билдирип келет. (BTo)

Пикирлерди көрүңүз (9)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG