Ташкент шаарында Борбор Азия мамлекет башчыларынын экинчи консультативдик жолугушуусу өтүп жатат. Ага Тажикстандын, Түркмөнстандын, Өзбекстандын, Кыргызстандын жетекчилери жана Казакстандын туңгуч президенти Нурсултан Назарбаев катышууда.
Президент Сооронбай Жээнбеков 29-ноябрда бул жолугушуунун алкагында Өзбекстандын президенти Шавкат Мирзиёев менен сүйлөшүүлөрдү өткөрдү.
Расмий маалыматка караганда, мамлекет башчылары эки тараптуу кызматташуу маселелерин, Кыргызстан жана Өзбекстандын соода-экономикалык, чек ара мамилелерин өнүктүрүү жолдорун талкуулашты.
Борбор Азия мамлекет башчыларынын биринчи консультативдик жолугушуусу 2018-жылдын 15-мартында, Казакстандын баш калаасы Нур-Султан шаарында өткөн. (BTo)
