Линктер

ЧУКУЛ КАБАР!
3-Декабрь, 2021 жума, Бишкек убактысы 00:21

Саркисян кыргыз депутатынын ЕАЭБ боюнча сынына жооп берди


Евразия экономикалык кеңешинин (ЖЕЭК) башчысы Тигран Саркисян «Tazabek» сайтына Жогорку Кеңештин депутаты Кенжебек Бокоевдин «Кыргызстан биримдиктен чыгышы керек» деген пикирине жооп берди.

Экономикалык маалыматтарды жазган «Tazabek» сайты кабарлагандай, Саркисян мындай деген:

«Мындай сөз жалаң эле Кыргызстанда айтылган жок. Албетте, андай күмөн бар. Эмнеге нааразы жана эмне жакпай жатат - мындай сындарды угушубуз керек. Биз Евразия Экономикалык Биримдигинин (ЕАЭБ) дарегине айтылган сынга көз салабыз. Сын пикир бизди күчтүү кылып, кемчиликтерди жоюшубуз керек».

Парламент депутаты Кенжебек Бокоев Кыргызстан үчүн ЕАЭБдин пайдасы жок экенин белгилеп, ал уюмдан чыгууну сунуш кылган.

ЕАЭБ алгач Беларустун, Казакстандын жана Орусиянын Бажы Биримдиги катары түзүлгөн. Кийин бул уюмга Армения менен Кыргызстан кошулган.

Кыргыз өкмөтү 2015-жылы ЕАЭБге мүчө болгондо төрт эркиндик берилерин, алар - жарандардын, товардын, тейлөө кызматтарынын жана капиталдын беш өлкө аймагында тоскоолдуксуз жүрүшү экенин жарыялаган.

Пикирлерди көрүңүз (11)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG