Линктер

ЧУКУЛ КАБАР!
шейшемби, 10-декабрь, 2019 Бишкек убактысы 12:28

ЖАМК: Молдовановкадагы түрмөдө соттолуучу асынып алды


Иллюстрациялык сүрөт.

Чүйдүн Молдовановка айылындагы №1 түрмөдө жаза мөөнөтүн өтөп жаткан 23 жаштагы адам өз жанын кыйды. Бул маалыматты Жаза аткаруу мамлекеттик кызматынын (ЖАМК) басма сөз кызматынын өкүлү Самат Калыков ырастады. Анын маалыматына караганда, окуя 1-декабрда болгон.

Айрым жалпыга маалымдоо каражаттары каза болгон адамдын туугандары өлгөн киши суицидге барбаганын, анын денеси күйгөнүн байкаганын билдиришкенин жазып чыгышты. Калыков бул боюнча да комментарий берди. ​

- Тергөөчү менен эксперт анын денесин текшерген. Алдын-ала маалымат боюнча суицид болгон. Азыр тиешелүү документтер топтолуп, иликтөө иштери жүрүп жатат. Окуя Кылмыштар менен жоруктардын бирдиктүү реестрине катталган, - деди Калыков.

Ошондой эле документтер соттук-медициналык экспертизага жиберилген. Жыйынтыгы чыга элек. (BTo)

Пикирлерди көрүңүз (3)

Ушул тапта техникалык жөндөө жумушу жасалып жатканына байланыштуу сиз издеген материал ачылбай жатат. Бул үчүн көптөн-көп кечирим сурайбыз. Бир аз убакыттан соң кайра ачып көрүңүз деп суранаар элек.

XS
SM
MD
LG