Линктер

ЧУКУЛ КАБАР!
28-Ноябрь, 2021 жекшемби, Бишкек убактысы 15:33

Кытай АКШга санкция киргизди


Гонконгдогу акция, 1-декабрь, 2019-жыл.

Кытай Кошмо Штаттарга жана баш кеңсеси АКШда жайгашкан бир катар өкмөттүк эмес уюмдарга каршы санкция киргизди. Алардын арасында «Human Rights Watch» жана «Freedom House» уюмдары бар. Кытай бийлиги бул уюмдарды «Гонконгдогу акцияларды колдоп жатат» деп айыптады.

Кытайдын Тышкы иштер министрлиги билдирүү таратып, Вашингтондун «жоопкерчиликсиз кылык-жоругун» айыптап, «Бээжиндин ички ишине кийлигишти» деп сындады.

Өткөн аптада АКШнын президенти Дональд Трамп Гонконгдогу демократияны жана адам укуктарын коргоого багытталган эки мыйзамга кол койгон. Бул документтерде «АКШнын мамлекеттик катчысы бул өлкөдөгү адам укуктарынын абалы тууралуу кеминде жылына бир жолу баяндама жасап турушу керек» деген жобо бар.

Эгер Вашингтон Гонконг жетиштүү деңгээлде көз каранды эмес деп табылса, соода-сатыктагы айрым бир артыкчылыктар токтой турганы көрсөтүлгөн. Адам укуктарын бузду деген жогорку кызмат адамдарына санкция киргизүү мүмкүнчүлүгү бар. Мындан тышкары АКШ Гонконгго полиция жабдууларын жана техникаларын экспорттоого тыюу салган.

Буга байланыштуу Кытай бийлиги дүйшөмбүдөн тартып америкалык аскердик кемелер менен учактардын Гонконгго барышы тууралуу өтүнүчүн кароону токтотту.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG