4-декабрь - Манас күнүнө карата башталган республикалык манасчылар таймашынын жеңүүчүлөрү аныкталды. Сынак эки бөлүктөн туруп, республика боюнча 60тан ашык манасчы ат салышты. Алардын 54ү балдар болду. Ал Мамлекеттик тил комиссиясы жана Билим берүү жана илим министрлигинин колдоосунда өттү.
Жеткинчектер арасынан Ажибек менен Белек аттуу манасчылар биринчи орунду алышты. 20-30 жаштагы манасчылардан Нурбек Талантбек уулу жеңүүчү болду.
2013-жылдын 4-декабрында «Манас», «Семетей», «Сейтек» үчилтиги ЮНЕСКОнун Адамзат маданиятынын материалдык эмес маданий мурастарынын тизмесине кирген. 2017-жылдан бери өкмөттүн токтому менен 4-декабрь Манас күнү деп белгиленет.
