Ысык-Көлдө беш адамдын өмүрүн алган жол кырсыгына күнөөлүү деп табылган айдоочу сегиз жылга камалды жана анын машине айдоосуна үч жылга чек коюлду. Андан тышкары, мамлекетке 50 миң сом зыян келтирген деп табылды.
Соттолгон жаран - Кант шаарынын 41 жаштагы тургуну Е.Фуртикова. Чечимди 5-декабрда Ысык-Көл райондук соту чыгарды. Анын жактоочусу чечимге жарым-жартылай макул экенин айтты.
Автокырсык 2019-жылдын 30-августунда Балыкчы - Чолпон-Ата жолунда, Сары-Камыш айылында болгон. (KS)
