Жаңы Зеландиянын Ак аралындагы жанар тоонун атылышынан беш киши каза таап, дагы 20дай киши жабыркады. Бул тууралуу 9-декабрда полиция кабарлады.
Вулкан атылган кезде ошол аймакта 100дөй киши жүргөн. Ошондуктан өлгөндөр мындан да көп болушу мүмкүн деген кооптонуу бар.
- Ошол учурда аралда жана анын айланасында жергиликтүү жана чет элдик көп саякатчылар жүргөн. Полиция колунан келгендин баарын жасайт, - деди премьер-министр Жасинда Ардерн.
Жаңы Зеландиянын Ак аралында жанар тоо тез-тез атылып турат.
